Talebanët njoftuan se nuk do të marrin pjesë në konferencën për paqe të udhëhequr nga qeveria e Afganistanit, raporton Anadolu Agency (AA).
Qeveria e Afganistanit po përgatitet që të mbajë sesion konsultativ katërditor në fund të muajit ku do të mblidhen prijës nga i gjithë Afganistani i shkatërruar nga lufta për të diskutuar kornizat e propozim-marrëveshjes për paqe me talebanët.
Zëdhënësi i talebanëve, Zabihullah Mujahid, e quajti konferencën “të rrejshme dhe sipërfaqësore” në një kumtesë të publikuar në faqen e internetit të grupit.
Javën e kaluar, Mohammad Umer Daudzai, sekretar i Këshillit të Lartë për Paqe në Afganistan që është i obliguar për të arritur marrëveshje paqësore me militantët, për AA tha se qeveria e Afganistanit do të donte që talebanët të ndajnë pikëpamjet për paqe të qëndrueshme në vend gjatë Sesionit të Madh Loya Jirga.
Përfaqësues nga talebanët, zyrtarë nga Afganistani dhe SHBA-të do të takohen në qytetin Doha në Katar si pjesë e procesit për paqe që synon t’i japë fund luftës 17-vjeçare në Afganistan.
Talebanët deri më tani nuk kanë shfaqur indikacione për të pasur bisedime të drejtpërdrejta për paqe me qeverinë e Afganistanit.
Vendosen postera provokues për Policinë e Kosovës dhe Vetëve...
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...